شعر عراقي بمناسبة عيد الام أمَاه لَو عُمُرِك بيديَ لَمَدَدْته و لكنَه بِيَد ربِي فَهَل يكفيكِ حبِي , الأمٌ هِي الثًابت الَّذِي لَا يَتَغَيَّرُ , كلٌ مِنْ حَوْلِك يَتَغَيَّرُ إلَّا أمَك , هِيَ الَّتِي لَا يُشْبِهُهَا فِي الْوُجُودِ أَحَدٌ شعر عراقي بمناسبة عيد الام, هِيَ الَّتِي خُلِقت مَرَّة و لَا تُعَادُ , كَم سَهِرَت لترتاح و كَم تَعِبَت لِأَجْلِ أَنْ تَنَامَ و تَرْتَاح أَفَلَا تَذَكَّر وَقْتَمَا كُنْت تَنَام بِلَا غِطَاء فتصحو عَلَى غِطَاء , أَوْ لَا تَذْكُرْ يَوْمَ كُنْتَ تَسْتَيْقِظ فِي الصَّبَاحِ فَتَجِد الْفُطُور أَمَامَك جاهزاً . .شعر عراقي بمناسبة عيد الام
عشتي يمه العمر كله انتي حصار
وشافج بعينه تخبزين العصر
يعني ماهمج حصار ولاحروب
وللوكت مامره تحنين الضهر
وألكمر صح بالسمه وماله مثيل
ويمه علكاع انتي احلى من الكمر
====================
انتي مــو أم لا بشر انتي ملاك
انتي من الله الج هيبه وقدر
أنتي الله مفضل عليج بنعيم
يعني قدرج عالي وأعلى من الكمر
تحت اقدامج الجنه يكـــــــول
جنه وشلون أرد أوصفها بسطر
يانهر يابير زمـــــــــزم والحياة
أنتي أعجب من عصا ألشطرت بحر
ألله حط كل الصفات بقالبج
====================
اشكر امي اعله المبادئ والقيم
اشكر امي الطلكت وجابت قصيدة
وجانت تطشر شيم
اشكر امي تحط ريحه كربﻻ وتلبس خيم
اشكر امي التسع اشهر تطلك بورقه وقلم
لحد ما جابتني شاعر كاشخ بثوب اﻻلم
غسلت وجهي اعله الشريعه
ونشفت وجهي بعلم
===================
انام المغربيه بعيد درب الليل
امي تكلي دنيه غروب ما يصلح
ﻻ يصلح كلت .. خالفت اغله الناس
كلت غلطانه امي ، وامي رب الصح
========================
طاحت دمعه امي شالها العصفور
كاله استغفر الله الجنه تبجي
====================
علمتني الغربه يمه لماله ام بااكون سايب
وعلمتني الغربه يمه لماله ام ماله حبايب
======================
دير بالك ع امك يالبعده وياك
مو فوگ الضهر ع الراس خليه
الدنيا بلايه ام متسوه بيه نعيش
شلي بدنيا وامي مابيه ..
======================
يم گلب ينگط محنه
ويم سوالف دافيه
ويم دمع يجري ع گلشي
الجنه حدج خايفه
الدليل لو ما نور وجهج
عندي ظلمه وطافيه
يمه مدغوشه النوايب
وبس انت نيتج صافيه
===================
شعندي غير امي وصﻻتي
البيهن اكشخ من امر ابالهم
ادري ما عندي عدو
بس جم صديق
هواي يتمنوني اطيح اكبالهم
===============
،،،،،،،،أمي،،،،،،،،،،
من تدعي العالم يستراح
،،الله،،من يسمعهه تدعي
ينطي عطله للعذاب،،،،
==============
لو جبت كل الكون وتحطه يمي
ما ابدلنه بخيط من شيلت امي
امي من اغيب هواي ما تبجي بدموع
من عدها تطلع نار حته الهوه يموع
———-
امي من احس بجوع تدري شتسوي
تكطع لحمها تكوم من يمه تشوي
———-
امي التعيش احلام محد حلمها
غافي بحضنها تريد تتمنه اضمها
———-
امي بفراش الموت عافت دفنها
ما وصت بدفان وصت بابنها
———-
امي من اروح بعيد ما تشمر الماي
شفت انه جفن العين شامرته وياي
———-
امي انه وك فركاي لو سد جفنها
تتنافر الدمعات من يم اذنها
———-
امي الصبر فدنوب من ايس اتوب
خلدها صبر ايوب سماها ايوب
———-
امي بوسط تابوت لو نام ابنها
تنهض تكوم عليه تدثره بجفنها
———-
امي من احس بجوع ما تاكل تكوم
تكلي هليومين مطلوبه للصوم
———-
امي انه والشيطان لمن سطاها
تجمع حنان وطيب صدك لكاها
———-
امي بزمان العوز ما غرها كل مال
كصت خصل شعرات حاكتهن سمال
———-
امي الستر بلكون صاير شمسها
شمس وتنكط نور ياهو اليمسها
———-
امي السهت باعصاب ضربت صبيها
شالت اديها تريد تنكص اديه