اجمل ابيات شعر عن المطر إنّ الْمَطَرِ عِنْدَ هُطوله يُلهِم الشُعراء والكُتّاب فينثِرُون عَلَيْنَا اجمل ابيات شعر عن المطر لِتَزِيد مِن رَوعة مُشاهدة هُطُول الْمَطَرَ فِي فَصْلِ الشِّتَاءِ ، حيثُ نَلتفّ خَلف النَّوافِذ لمراقبة هُطُول حبّاته اللؤلؤية ، فَكَانَتْ تِلْكَ اللَّآلِئ ملهمةً للشُعراء فَأَشْعَر كُلٌ مِنْهُمْ فِيمَا تخطه مخيلته مِن كَلمات يَصِف فِيها الْمَطَر بَابِهَا إشْكَالِه التِي تأسُر الأَنْظَار عِنْد كُل هُطُول وَكَانَت الهطول الْأَوَّلُ فِي حَيَاتِهِ اجمل ابيات شعر عن المطر ، وَكَأَنَّهَا أَوَّل مَرّة تَقَع أَعْيُنِنَا عَلَى اِنْسِدال تِلْك السَّتَائِر المُتحرّكة مِن وَاَلَّتِي تكسوا الْإِرْجَاء مِن السَماء حَتَّى الْأَرْض ، نترككم مَع اجمل ابيات شعر عن المطر . .
شعر فصيح عن المطر
- ياطفلة تحت المطر …
تركض واتبعها بنظر ..
تركض تبي الباب البعيد ..
تضحك على الثوب الجديد
ابتل وابتل الشعر …
زهرة الياشموم - الــبــر يعجــبني إلــيا زان جــوه
والارض خــضرا والـسما كله اخيال
وريــح المطــر توه على الأرض تـوه
هتــان بــادي يشــرح الصــدر والبال
وقـام السنـافي فالضــحى وشب ضـوه
وغنــى عــلي مــن أعــذب الشـعر مــوال - مطـر.. معـلق .. بنـصف السـما .. لا ينـهمـر.. ولا يرتـفع ..
وكل ما بغـينا نجـتمع.. تحـت المصابيح الزرقـا.. يطيح منه رذاذ ..
اما انـهمـر فرقا .. و الا تـقـطع وصـل .. يا مـاطـر الليـل ..
لا تاقـف بوسـط الـسـما ..
اللؤلؤة الهادئة - طق يا مطر..
وإغسل همومي والاحزان..
وأروي الضلوع اليابسه من ضماها ..
ليت العمر وقـّـف على هاك الزمان ..!!
ليت السعاده, ماعطتني قفاها ..!! - قلت المـطر . . قالـت من اليـــوم ديمــــه
ما به رعـد . . لا بـرق . . ما غـير هـتان
عشـقٍ جـمع ما بيـن قاعٍ وغـيمه
فـيض على صدر الثـرى دمع الأمزان
اللؤلؤة الهادئة - اهمس لك بكلمات
يا من تسكن المهجة والحنايات
وامل يتخلل روحي عبر السكنات
ولحظات
ما زلنا ننسج قصتنا على منوال
زخات المطر
حتى تلاقينا عبر الأفق
بروح اصلي - هين يجيب الله مطر كانك تبي تعاند معـاي
والله وانا بنت الرجال انك لتبطي ماقويـت
عود وراك من العناد وخلنـي ارجـع وراي
انا اذا صارت عناد انهيـك لامنـي بغيـت
لكن على ماقيل بالله حل بالله عـن سمـاي
بدري عليك انك تحدا خافقي لامـن نويـت - وينك ترى جانا مطر احيا شورعنا
كل الشوارع امطرت ما غير شارعنا - طشـّت سوالفنا حنين
- صبـّت دفاها للحنين
وأكثر غرابيل السنين .. ما عاد تجمعنا - وينك .. ترى جانا مطر
مرتني البارح طواري في محطات العمر
وانا من البارح عرفتك
تحتريني من امر
مـرّيت .. بيديني عطر
شعر عن المطر والشتاء
- و أنفاس و آهآت و كلآم
بعضي فرح بعضي خصآم
- تربكني خطواتي
فيني عمر آآآتي
ان عاش يهديك العطر
وان غاب بسكاتي
- يكفيه يشعرك اهتمام يا نبض اوقاتي .
وينك ؟؟
ترى جانا مطر .
- الله يا صوتك
وانا اتسمـّع هالمطر ذكرني بسكوتك
تـعآل (( لا يفوتك ))
- شوف الزهر
شوف الأغاني والشعر
شوف البساتين بأمانينا يعانقها الشجر
شوف الحنان اللي تركني ليله البارح وجاك - اليوم … ينسآني معاك !
- ضيـّعت نفسي
من صحيت .. اسأل على نفسي
دوّرتني يمكن سريت .. وياك يا امسي
- لقيتني بين المطر
رجعتلك بيدي عطر - وقلت لك :
- (( غطـّى شوارعنا ))..
- كل الشوارع امطرت ما غير شارعنا
- طق يا مطر طق بيتنا قديم ومرزامنا حديد .
- مازال المطر ينهمر..
- ويشتد وقع صوت تلك ,,القطرات على نافذتك
- فتصحو من أحلامك..!
- وتشعر بضيف ,,يريد ,,دخول غرفتك
- تفتح النافذة ,,آذناً لها [ بالدخول ]فتحتويك تلك الرائحه ..الرائعه
- التي تغلف,, قلبك [ بالحياة ]
- كأنَّ أقواسَ السحابِ تشربُ الغيوم..
وقطرةً فقطرةً تذوبُ في المطر…
وكركرَ الأطفالُ في عرائش الكروم
ودغدغت صمتَ العصافيرِ على الشجر
أنشودةُ المطر
مطر
مطر
مطر
- تثاءبَ المساءُ والغيومُ ما تزال
تسحّ ما تسحّ من دموعها الثقال:
كأنّ طفلاً باتَ يهذي قبلَ أنْ ينام
بأنّ أمّه – التي أفاقَ منذ عام
فلم يجدْها، ثم حين لجَّ في السؤال
قالوا له: “بعد غدٍ تعود” –
لا بدّ أنْ تعود
وإنْ تهامسَ الرفاقُ أنّها هناك
في جانبِ التلِ تنامُ نومةَ اللحود،
تسفُّ من ترابها وتشربُ المطر
كأنّ صياداً حزيناً يجمعُ الشباك
ويلعنُ المياهَ والقدر
وينثرُ الغناء حيث يأفلُ القمر
مطر، مطر، المطر - أقول الوسم وش خلى ســــــحابه ينحدر للشرق
ترك كل الجـــــــــــــهات ولا تغير في محاديره
- نويت اعارض غيومه وأسافر مع غريب الطرق
أبا أدري هو صحيح إن الــــمطر محبوبته ديره
- عسقت الغــــيمة الشارد ولانت لي حبال البرق
وتعلقت بمعارف مـــــــــــــــهرتي لعلها خيره - تشبه كثير .. أنت المطر
تفرح بك أرواح البشر
ومثل المطر .. عَذب و قراح
وكثر المطر .. تشفي الجراح
وأولهم جروحي
يا قلبي يا روحي
هو صحيح أنت
المطر
و إلا المطر أنت - شفت المطر
- افتح يدك واجمع اللي تقدر تجمعه
- شفت اللي جمعت
هذا شوقك لي!
تبي تعرف شوقي لك - باقي المطر اللي ماقدرت تجمعه
- البيّاضْ – ومايْ عيني … وألف سِكة ، وأمسْ ليلْ
حِلمْ أذْهَلْني سُكوتَه .. ويـنْ جـايْ ، وليـه رَاحْ ! - عانِقتْ هَـالسُحبْ صوتْ وعانِدْ الليله … جِديـلْ …
فِتنْتي لّبَتْ نِـدايْ … وقاوِمـتْ ضَـربْ الجِـراحْ ! - سالْهَ المَفْرِقْ دمُوع … وعيّـت عروقـي تِسيـلْ
وماتَتْ اللحْظَـة وقامِـت قِصـة ٍ كِنهـا مُـزاحْ …. - قَف لا تَنطرْ رجـوع ٍ … يشبـه أشيائـي هَزيـلْ !
رِحْ لا ترجـي ألمّـكْ وأشربِـكْ قَبْـل الـمَـراحْ ! - المِسا ما كانْ طيّـب … حشـرجْ بِصوتـي طويـلْ
والصباح أعبْس منْ إني أضْحَكْ بِـ/وجه الصبـاحْ - وأنتي ( يُمه ) لا تواسي خاطـري دمعـي أصيـل ْ
مـا يفـارق/ لـو يفـارق ! لا ولا يَقْبـلْ يُـزاحْ ! - لملمي كلك / وبعضـي عاجـز ٍ أزرى … يشيـل !
شال بَعْضه ، بَسْ بعْضَه شَـدْ مِـن أزره وطـاحْ ! - إسمعي لَجةْ عروقي … سامري صـوتْ العويـلْ !
إضحكي لَ الناس دوني وإشربي حِلمي … قَـراحْ ! - إيه ( يُمه ) لا تخافي من بُكا ! عنـدي … قليـل !
لو تسمعتي فراشي مـن دموعـي ! كـان صـاحْ ! - إرحلي عَن أمنيـات ٍ تشبـه أجزائـي … دليـل !
عن رداتْ الحَظْ ….. ولاّ عـن مفاهيـمْ المُبـاحْ ! - أحتري قطرة سحابه ! ( أشتهي تمطـر) وآسيـل !
مِنْ فسادْ الأرضْ ودي أغْسلْ ضلوعـي (صَـلاحْ) !
- واروي اللي تكاود به ضمـاه
اروي كل عرق وكل غصنٍ ندي
ساعدي اللي تعثرّ فـي هـواه
يكفـي إنـه بنـورك يهتـدي
مثل نجمٍ يشّعشع فـي سمـاه
بـدّدي حـزن قلبـي بــدّدي
واذكري قلـبٍ اهدالـك غـلاه
بـاذخٍ بالعطـايـا أجــودي
يوم غيره بخيـلٍ فـي عطـاه
يوم آخايـل مزونـك مولـدي
ويـوم تقفـي ضعونـك آه آه
كنّـهـا لاتثـنّـت فـرقـدي
تاه عـن امّـهِ وسـط الفـلاه
أيـطـلاً ضـامـرُ ُ أربــدي
مُترفُ ُ بالجـواءِ فـي خـلاه
كاحـلُ ُ دون مُقـل الأثمـدي
بات قلبي أسيـراً مـن بهـاه
كان عينـك تبـات وترقـدي
شوفي عيني منامـه ماهنـاه
الذيابـه تـهـرّول وتـعـدي
وتحيي سرمد لياليهـا بعـواه
ساعدي القلب بالـك تجحـدي
للغـلا حـد ياعيـن المهـاه
وكان تنوين هجـري أبعـدي
مـن تغـلاّ يـخـلاّ يافـتـاه
يابنـيّـه تـرانـي أسـعـدي
ماشكى الضيم من مبدا الحيـاه
مـن نوانـا بسيّـه يابعـدي
والله اليبطـي ماحصّـل ُمنـاه
مـن ربـوعٍ تـلأ لأ كالجـدي
أهل بنٍ وهيـل أهـل الصفـا
- المطر وشهو المطـر؟
غيـر دمـع وإنتثـر - أغرقتنـا هالسحـاب
من فعايـل هالبشـر - ناس تتركنـا صحيـح
مالقـت فينـا مديـح - وناس تلعب بالقلـوب
والعـذر أكبـر قهـر
- أبي اسألك
ولامره فـ خيالك جيت..
مامرت بك الذكرى وليالينا
وأغانينا
يوم الوصل كان أكبر أمانينا
وكان الحب مالينا..
وكل الكون..
كل الكون.. من الفرحه مايكفينا.
- يا مطر…
- يـا مـطر يـا ماسـح جفـاف الســـنين
من خد الصحاري وجبين المساكين
يا راوي أرض الشـجـر والبسـاتـين
من عطش الزمن ومفجر بها العـين
يـا مطـر أرحـم غــيـرك من الأنـين
كل شيء تسـمع له صـوت حـــزين
حـتى الجبـل من دمعـتـك يبـدأ يلـين
وتسمع بين الصخور صوت الحنين
- والرعـد يصـرخ بيـن السـحـب وين
أضـرب بالبـرق بـصــوت غــبــين
والبـرق يفـلق كوم الســحب نصفين
ويرســم حــروف الويــل لكل عـين
والدمـعة من الألم تسـري مــلايــين
عـلى المـلأ تـتقسم شـمال ويــمـين
والوادي يكبر ويصبح مسيل بطـين
ويتفرع من حـوله حـبال وشرايـين
والدنيا تتبسـم ببسـمة فـرح متلونين
وتهدي الحزن عن المـزن الحزيـن
- يازين حس المطر في ظاهر الخيمه
وانا احس المطر عطشٍ وجوعاني - ياحلو صوته ليا هدّت مرازيمه
من جور سيله هشاش القاع رياني - من مزنة اسبلت مع اول الديمه
الروض من سيلها فيّض على الثاني
- حبيبتي
- لا تدعيني وحيداً .. أبكيك
- بليل المطر
- يكفي من اليل ظلمة .. ظلامه
- حتى يحتجب القمر
- بتلك الغيوم السوداء
- المحملة بزخات المطر
- كدموع طفل ..أنَّ من الجوع فسكر
- يـــــارب راح اليوم شهرٍ ويوميــن “=”واديارنا ماشعشع البــــرق فيهــا
وأنا اعترف وأيضا سواتي كثيرين”=” إن العيون اللــــي عمتها يديهـــا
اذنوبنـــا مـــــــا تنحصي بالملايين”=”حتى صلاة الفجر صلوا عليهــــا
تكفون يا اهل العلم والنصح والدين “=”تكاتفوا تـــــرى النصيحة نبيهـــا
الأمـــــــر بالمعروف عزٍ وتمكين”=” شوفو ديارٍ حــــولنا وش يجيـــها
فيها الزلازل والفتـــــن والبراكين “=” نسيوا حقوق الله وربـــــي نسيها
الله يرحــــــم جيلٍ أقفى من اسنين “=”أفعالهم بالخير كـــــــــــــلٍ يعيـها
يالله يامنزل تبـــــــــــارك وياسين “=”أمّـــــــــــة محمد للطريق تهديـها
واسطوحنا ما ترتكـــي للشياطين “=”كل المصايب هالدشوش اتغذيـــهـا
وصلاة ربــــي عد طلع البساتين “=” علــــــــى النبي وسنته نرتضيهـا
شعر عن المطر والحبيب
- يالله انا طالبك مزنٍ شخاتيري
تسقي لنا الارض قاصيها ودانيها - حتى يعم الربيع ويكثر الخيري
والناس ماعاد تطعم في مواشيها - ودي مع البر والربع المساييري
ناخذ لنا سجةٍ والنفس اسليها - ومعلقين الذبايح بالشناتيري
هذي غدانا وهذيك العشا فيه
- عطشان اسمع يا نهر
عمر الصحاري والجفاء
عمري انا ما مر على عمري مطر
عطشان
لدموع الشتاء
مشتاق
للون الخضر
صبري عزف . . صبري نزف
انا النخيل وانا ارتجافات السعف
ناديتك بصوت العطش
شلال صوتي يا الي ما تسمع نشف
شوقي لّوح لك وقف
ترابي لّوح لك وقف
منين ارتوي . . . والدنيا صحرا ء وبس
النار تحتي . . وفوقي عين الشمس
الشتا . . بالصيف اختفى
والغيم ما عنده وفاء
وانا العطش بيتي
ونسيمي عاصفة